Trobada_Coop57_2015_formats2 5

Trobada 2015

O 17, 18 y 19 d’abril celebraremos, en Zaragoza, a IIª Trobada estatal de socios y socias de Coop57. Un puesto pensau ta debatir, colectivament, cómo nos cuaca que siga Coop57 en as venients anyadas. Mientres tot o cabo de semana nos chuntaremos y compartiremos espacios, ideyas y debatz ta definir as grans lineas d’actuación de Coop57 en os venients anyos.

¿Por qué fer una trobada?

Agora que ya fa 20 anyos que naixió Coop57, agora que ya fa 10 que prencipiemos o modelo de creiximento en rete con a constitución d’a primer sección territorial en Aragón, o contexto actual nos puet fer pensar que ye l’inte de prencipiar una nueva etapa. Coop57 siempre ha expresau o suyo deseyo d’estar una ferramienta a o servicio d’a transformación social y d’a economía social y solidaria. Pero ta estar una ferramienta util, hemos de poder disenyar as solucions adecuadas a las necesidatz actuals d’as entidatz y personas socias. Ye un inte que representa un punto d’inflexión y un inte muito important t’o prochecto.

Cada vegada surten más ideyas, prochectos y enerchías ta esviellar y redefinir o que queremos. O contexto y a eferverscencia socioeconomica y politica que somos vivindo proposan istos nuevos retos. Ta concarar-los hemos d’afinar a ferramienta y, mesmo plantear cierta mutación de Coop57. Estar valients y innovar, como hemos feito siempre.

¿ Por qué participar-ie?

Coop57 ye un prochecto democratico que pretende estar en mans d’a sociedat. Un elemento d’o imachinario común y t’o servicio d’o común. A Trobada d’o venient mes d’abril nomás tendrá sentiu si bi participamos totz os socios y socias de Coop57. Pensar as cosas de traza colectiva ye signo d’identidat de Coop57 y ye asinas como creyemos que tien sentiu construyir ista ferramienta. Coop57 perteneix a toda a suya base social y por ixo ha de estar ista qui decida enta dó ha d’endrezar-se a cooperativa, qualas han d’estar as grans lineas d’actuación y qué camins cal seguir.

Ye una muito buena oportunidat, ta totz os socios y socias de Coop57, de participar-ie dreitament en a definición de Coop57 en as venients anyadas. Decidir colectivament o que queremos fer os venients anyos y cómo queremos fer-lo.

Somos convecidas que será un proceso enriquidor, an que aprenderemos y nos amostraremos unas a os altros. Un cabo de semana que aportará nuevas enerchías a Coop57 y a todas as que i participamos.

¡Una experencia que caldrá vivir!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>